Dritan Shano, anëtar i Këshillit Kombëtar të Partisë Demokratike, i ftuar në “Dita jonë”, u shpreh se “lista e hapur, pa zhbërë republikën e vitit 2008, nuk do të prodhojë kurrë të mirën publike që premton se do të sjellë”.
Shano shpjegoi: “Në rastin e Partisë Socialiste, listën e ndërton tërësisht kryetari. Në rastin e Partisë Demokratike, neve kemi një tentativë për të krijuar një listë me “input” shumë të madh nga anëtarësia. Kjo është për t’u përshëndetur, por unë kam qenë hezitues pasi procesi është shumë i mirë, por edhe produkti duhet të jetë shumë i mirë. Nëse procesi nuk puqet me produktin, atëherë kemi bërë një vrimë në ujë”.
Sipas ekonomistit Shano, Shqipërisë i mungojnë 3 elemente aktualisht: “Gjykata Kushtetuese, Gjykata e Lartë dhe Gjykata e Apelit. Pa këto tre institucione, çdo proces politik, zgjedhor apo edhe tregtar, është i rrezikuar tej mase. Ne kemi histori kontestimi zgjedhjesh, nuk kemi ku ankohemi dhe ku të marrim drejtim”.
“Ne na duhet një klasë politike që largohet nga metaforat dhe që i drejtohet interesave të individit shqiptar, duke hequr dorë nga premtimet elektorale që në fund fare duket sikur nuk po flitet për Shqipërinë, por për vende të tjera. Kemi rastin e propozimeve ekonomike të kryeministrit Edi Rama për ulje taksash e rritje rrogash, në një kohë që Shqipëria ka një borxh prej 100% të GDP-së, ka një ekonomi feudale nga pikëpamja e stukturës dhe pronësisë”, shtoi Shano. (A2 Televizion)
A2 CNN Livestream
MUND TE LEXONI GJITHASHTU
