Milani dhe Interi në udhëkryqin e edicionit në Champions. Kuqezinjtë duhet të fitojnë me patjetër përballë Portos, për të ëndërruar kualifikimin nga faza e grupeve. Këto janë orë shumë delikate për ambiciet e Djallit, nga Europa e deri te titulli në Itali.
Skuadra e Piolit është maksimalisht e përqendruar te dueli me portugezët, por nuk mund të lërë pas dore edhe derbin e fundjavës. Milani është 4 pikë pas Portos dhe Atletico-s dhe gara është ende e hapur. Rikthimi i Brahim Diaz jep garanci, teksa Giroud është i favorizuar përballë Ibrahimoviç.
Interi në anën tjetër, ka shansin e artë që të kalojë Sherifin e Tiraspolit. Nëse marrin tre pikët në Moldavi, zikaltërit do të hipotekonin kalimin në fazën e një të tetave. Inzaghi do të hedhë në fushë formacionin më të mirë, me Lautaro Martinez e Dzeko titullarë, ndërsa Correa dhe Sanchez janë gati në stol. Interi shpreson të marrë edhe lajme të mira nga Madridi, atje ku Reali përballet me Shaktar Donetsk.
Në ndeshjet e tjera, spikat supersfida ndërmjet Liverpul dhe Atleticos së Madridit në Grupin B. Manchester City pret në shtëpi me Brugge, teksa PSG do të luajë në transfertën gjermane me Leipzig. (A2 Televizion)
A2 CNN Livestream
MUND TE LEXONI GJITHASHTU
