Kryeministri i Kosovës, Albin Kurti, zhvilloi një bisedë telefonike me sekretarin amerikan të shtetit, Antony Blinken, lidhur me strehimin e refugjatëve afganë.
Zyrtari i administratës së presidentit Joe Biden, i shprehu mirënjohje shefit të qeverisë së Prishtinës për ndihmën e dhënë në këtë drejtim.
“Qytetarët e Kosovës, shumë prej të cilëve dikur refugjatë vetë, sërish kanë demonstruar gatishmërinë dhe kapacitetin e tyre për të kontribuar në paqen dhe sigurinë globale”, është shprehur Blinken pas bisedës.
Kontaktet e udhëheqësve shtetërorë të Kosovës dhe atyre të SHBA-së janë shpeshtuar pas mbërritjes së disa grupeve të afganëve që janë evakuuar nga Afganistani.
Më 2 shtator edhe presidentja e Kosovës, Vjosa Osmani zhvilloi një bisedë telefonike me zëvendëspresidenten amerikane, Kamala Harris. (A2 Televizion)
A2 CNN Livestream
MUND TE LEXONI GJITHASHTU
