Michael Gahler, eurodeputet dhe përfaqësues për Çështjet e Jashtme e të Zgjerimit, i grupit parlamentar të Partisë Popullore Europiane, në Parlamentin Europian, shkruan në Facebook se e dënon “veprimin e autoriteteve dhe dhunën policore sot në Tiranë”.
Ai i bën thirrje kryeministrit Edi Rama “që të ndalë shembjen e paligjshme të Teatrit Kombëtar, të ndalojë dhunën ndaj artistëve e aktivistëve dhe të angazhohet në dialog me të gjithë grupet e interesuara, përfshirë Europa Nostra dhe Institutin e Bankës Evropiane të Investimeve, të cilat mbështeten nga Komisioni Evropian dhe janë të gatshme për të ndihmuar”.
“I bëj thirrje kryeministrit Rama që të dëgjojë apelin e Komisioneres së Kulturës Gabriel dhe të ndalojë dëmet e pariparueshme. Sjell në vëmendje të Qeverisë shqiptare 15 kushtet që duhet të plotësojë Shqipëria për të filluar negociatat. Shteti ligjor është primar”, shtoi Gahler. (A2 Televizion)
A2 CNN Livestream
MUND TE LEXONI GJITHASHTU
