Teatri Kombëtar në Kosovë ka anuluar shfaqjet ditën e sotme në shenjë proteste për shembjen e Teatrit Kombëtar nga Bashkia e Tiranës.
Sot ishte planifikuar të shfaqej online në të gjitha faqet e teatrove “Skënderbeu ose dashuri dhe liri”, shfaqje e cila nuk do të luhet më, thuhet në njoftimin zyrtar të institucionit.
Ndërkaq, qytetarë dhe artistë do të mblidhen sot para Teatrit Kombëtar të Kosovës në orën 17:00 në shenjë solidariteti, ku në të njëjtën kohë do të mbahet në Tiranë edhe një protestë nga Aleanca për Mbrojtjen e Teatrit.
Godina e Teatrit Kombëtar është shembur të dielën në orët e para të mëngjesit, pavarësisht protestave dhe qëndresës së aktorëve dhe qytetarëve, të cilët janë përplasur edhe me forcat policore. (A2 Televizion)
A2 CNN Livestream
MUND TE LEXONI GJITHASHTU
