Shkencëtarët japonezë kanë krijuar shtatë minj me dy baballarë biologjikë duke përdorur qelizat e lëkurës nga një mi mashkull për të formuar një vezë dhe më pas e fertilizuan.
Kërkuesit shpresojnë se më këtë studim do të çojnë përpara trajtimet për infertilitetin. Por, gjithashtu, ky zbulim u hap rrugën edhe çifteve të së njëjtës gjini që të kenë pasardhës pa ndihmën e një nëne surrogato.
“Ky është rasti i parë që ne krijojmë ovocite të shëndetshme të gjitarëve nga qeliza mashkullore,” thotë Katsuhiko Hayashi nga Universiteti i Kyushu-t, i cili drejtoi studimin.
Sipas tij, kjo lloj metode mund të jetë funksionale edhe për njerëzit në dekadat në vijim.
Qëllimi kryesor i studiuesve gjatë këtij kërkimi ishte gjetja e një trajtimi për sindromën Turner. Kjo sindromë prek vetëm gratë dhe ndodh kur ato vuajnë nga mungesa e pjesshme ose e plotë e një kromozomi X në përbërjen e tyre gjenetike.
Gratë në përgjithësi kanë dy kromozome X, ndërsa burrat kanë një X dhe një Y. Këto kromozome zhvillohen së pari në mitër dhe përcaktojnë nëse një fetus do t'i nënshtrohet zhvillimit mashkullor apo femëror.
Gratë e lindura me vetëm një kromozom X janë shpesh jopjellore, vuajnë nga puberteti i vonuar, janë të vogla në trup dhe vuajnë nga rreziku në rritje i sëmundjeve në zemër ose në aftësitë e të të mësuarit.
Tashmë, studiuesit japonezë shpresojnë të zhvillojnë një trajtim me qeliza staminale për të rregulluar infertilitetin që lidhet me këtë sindromë.
Ata krijuan qeliza burimore duke përdorur minj tetë javësh, duke zgjedhur ata që nuk e kishin një kromozom Y për disa arsye.
Shkencëtarët më pas manipuluan qelizat në një mënyrë të tillë për të kopjuar kromozomin X të mbetur dhe për të krijuar një qelizë me dy gjene X - ajo që zakonisht do të konsiderohej një qelizë femërore.
“Hilja më e madhe e kësaj është dyfishimi i kromozomit X”, tha Dr Hayashi.
Ata i kthyen ato qeliza në vezë dhe përdorën material nga minjtë meshkuj për t'i fekonduar ato në laborator. Procesi çoi në lindjen e shtatë minjve të shëndetshëm. (A2 Televizion)
A2 CNN Livestream
MUND TE LEXONI GJITHASHTU
