Kombëtarja u kualifikua sot në "playoff"-in e Botërorit për herë të parë në histori.
Fitorja në Andorrë u festua nga të gjithë pjesëtarët e stafit kuqezi dhe lojtarët, përveç Armando Brojës.
Lojtarët shkuan poshtë tribunës së tifozëve shqiptarë që kishin udhëtuar për të parë ndeshjen, por Broja ishte dukshëm i trishtuar për paraqitjen e tij dhe u shfaq gati i përlotur, ndërsa të tjerët festonin, shkruan A2.
Ishte Elseid Hysaj ai që shkoi ta merrte sulmuesin e Burnley dhe ta bashkonte me shokët e ekipit.
Broja, i cili nuk la gjurmë, u zëvendësua në minutën e 59 të ndeshjes me Uzunin, kur sfida ishte e bllokuar ende në shifrat 0-0.
(A2 Televizion)
A2 CNN Livestream
MUND TE LEXONI GJITHASHTU
