Një makinë tip "Volkswagen" është shkrumbuar gjatë natës në lagjen nr. 5 të Korçës. Makina e cila ishte në pronësi të një 30-vjeçari ishte e parkuar kur ra zjarri. Nga këqyrja paraprake e kamerave të sigurisë të banesës, nuk janë konstatuar lëvizje të ndonjë personi të dyshimtë apo ndonjë veprim i kryer ndaj mjetit, njofton Policia. Paraprakisht, dyshohet se shkak i zjarrit mund të ketë rënë si pasojë e një shkëndije elektrike.
Informacion paraprak
Me datë 24.04.2023, rreth orës 03:45, në lagjen nr. 5, rruga "10 Korriku", ka rënë zjarr në automjetin tip "Volkswagen" në pronësi të shtetasit M. A., 30 vjeç, banues në Korçë, i cili ishte i parkuar. Nga këqyrja paraprake e kamerave të sigurisë të banesës, nuk janë konstatuar lëvizje të ndonjë personi të dyshimtë apo ndonjë veprim i kryer ndaj mjetit.
Paraprakisht, dyshohet se zjarri në mjet, mund të ketë rënë për shkaqe aksidentale (shkëndijë elektrike).
Grupi hetimor po punon për përcaktimin e plotë të shkakut të rënies së zjarrit. (A2 Televizion)
A2 CNN Livestream
MUND TE LEXONI GJITHASHTU
