Gjykata e Posaçme shpalli fajtorë 5 ish-zyrtarë të Bashkisë së Tiranës duke i dënuar me 6 muaj burg secilin. Të gjithë të dënuarit, Eglantina Zere, Ribjola Baxha, Enkelejda Qyta, Bruno Koçi dhe Kristo Zhulati përfituan nga Gjykimi i shkurtuar.
Ish-zyrtarët u gjetën fajtorë për “shkelje të barazisë në tendera”, për 2 procedura të kryera, nga klubi sportiv Tirana dhe Tirana parking, të cilat, sipas SPAK janë fituar në kundërshtim me ligjin nga shoqëria 5D e Redi Mollës dhe Mariglen Qatos, shkruan A2 CNN.
Po për të njëjtën çështje, më 28 maj, Gjykata e Posaçme dënoi edhe drejtoreshën e Klubit Sportiv Tiranë, Deborah Keçi dhe 3 të tjerët, Teuta Guri, Renaldo Gjerazi dhe Jetjon Mera. (A2 Televizion)
A2 CNN Livestream
MUND TE LEXONI GJITHASHTU
