Drejtuesi i Strukturës së Posaçme Antikorrupsion, Altin Dumani, ndodhet këto ditë në Shtetet e Bashkuara të Amerikës. Kryetari i SPAK do të jetë këtë të martë në mbrëmje në Departamentin Amerikan të Shtetit, ku do të pritet në takim nga zyrtari i lartë i Byrosë për çështjet evropiane dhe euro-aziatike Brendan Hanrahan.
Takimi është publikuar nga vetë Departamenti i Shtetit në faqen zyrtare, ndërkohë që mësohet se drejtuesi i Strukturës së Posaçme do të ketë takime në vijim edhe në Departamentin e Drejtësisë.
Kjo vizitë e Dumanit në SHBA vjen vetëm dy javë para se KLP të çelë garën për drejtuesin e ri të SPAK, duke qenë se mandati i Dumanit si drejtues i Prokurorisë së Posaçme përfundon në muajin dhjetor.
Ndryshe nga kjo herë, gjatë vizitës së tij të fundit në dhjetor të 2024, Altin Dumani është pritur nga sekretari i Shtetit i kohës, Entoni Blinken, ku edhe u vlerësua me çmimin Kampion i Antikorrupsionit. (A2 Televizion)
A2 CNN Livestream
MUND TE LEXONI GJITHASHTU
