Në Presidencë u hodh këtë të mërkurë shorti për përzgjedhjen e nëntë anëtarëve të Këshillit të Emërimeve në Drejtësi për vitin 2026.
Mandati i anëtarëve të rinj të KED do të zgjasë nga 1 janari deri më 31 dhjetor 2026, ndera kryetar i institucionit u zgjodh Ilir Panda, i cili është edhe përfaqësues i Gjykatës së Lartë, sipas parashikimeve ligjore.
Shorti u mbikëqyr nga Presidenti Bajram Begaj dhe Avokatja e Popullit, Erinda Balanca.
Këshilli i Emërimeve në Drejtësi, organ kolegjial me mandat njëvjeçar, ka si detyrë kryesore vlerësimin profesional dhe moral të kandidatëve për Gjykatën Kushtetuese dhe Inspektorin e Lartë të Drejtësisë.
Përbërja e KED 2026 është si vijon:
· Gjykata Kushtetuese: Fiona Papajorgji dhe Marjana Senini; zëvendësues Gent Ibrahimi
· Gjykata e Lartë: Ilir Panda (kryetar), me zëvendësues Medi Bici
· Prokuroria e Përgjithshme: Alfred Progonati; zëvendësuese Anila Leka
· Gjykatat e Apelit: Ornela Naqellari dhe Ilirjana Olldashi; zëvendësuese Selvie Gjoçaj
· Prokuroritë e Apelit (juridiksioni i përgjithshëm): Altin Binaj dhe Afërdita Ndoji; zëvendësues Arben Qosja
· Gjykatat Administrative: Klodiana Veizi; zëvendësues Bezart Kaçkini (A2 Televizion)
A2 CNN Livestream
MUND TE LEXONI GJITHASHTU
