Për shumë të rinj teknologjia e informacionit nuk është vetëm Tik-Tok dhe rrjete sociale. Është më shumë se kaq. Përmes kodimit apo programimit, këta të rinj nga 16 gjimnaze të veriut të vendit e kanë shfrytëzuar teknologjinë për të krijuar projekte që mund të lehtësojnë jetën e banorëve në fshat dhe qytet.
Ky grup nxënësish nga shkolla “Shaban Cokallu” në Klos, pasi fituan konkursin e kodimit në Dibër, kërkojnë fitoren edhe në Tiranë me projekte të tjera. Ndërsa gjimnazistët e shkollës së mesme të Peshkopisë kanë sjellë ide se si mund të parandalohet skolioza tek fëmijët apo duhanpirja edhe e lëndëve narkotike në ambientet e shkollës e veçanërisht në tualete.
Mbi 16 projekte nga 8 bashkitë veriut të vendit konkurruan mes tyre. Fituese u shpall shkolla e Tropojës “Hoxhë Zogu” me një projekt që vë teknologjinë e avancuar në shërbim të mjedisit.
Projekti i kodimit është mbështetur nga Ambasada Britanike ne Tiranë për të nxitur të rinjtë e Veriut të Shqipërisë që të ardhmen e tyre ta projektojnë në atdhe dhe jo në emigrim. (A2 Televizion)
A2 CNN Livestream
MUND TE LEXONI GJITHASHTU
