Një magazinë e vjetër dhe e braktisur, pranë një fabrike vaji, është djegur në fshatin Lavdan të Bashkisë Mallakastër, pranë ish-KPTHN Ballsh.
Lajmi konfirmohet nga shërbimet zjarrfikëse si dhe kryebashkiaku i Mallakastrës, Qerim Ismailaj, i cili ka pohuar se në magazinë ka pasur materiale të ndryshme. Magazina ka qenë e hapur, por ka pasur edhe mbetje me fuçi vaji.
Veç mjeteve zjarrfikëse të Bashkisë Mallakastër, ka shkuar një automjet zjarrfikës i kompanisë Albpetrol me qëllim fikjen me lëndë të posaçme, pasi me ujë nuk mund të ndërhyhej për shuarjen e flakëve.
Pranë magazinës ndodhet një banesë e një fabrikë vaji ulliri, por zjarrfikësit po qëndrojnë në gatishmëri që të mos marrë flakë.
Njoftimi i policisë:
Rreth orës 19:00, në fshatin Lavdan, Ballsh, në ambjentet e një magazine private ka rënë zjarr.
Në këtë magazinë dyshohet se nga prania e lëndëve hidrokarbure të ish Uzinës së Naftës, është favorizuar përhapja e flakëve duke shkaktuar vetëm dëme materiale.
Shërbimet e Policisë dhe zjarrfikëses ndodhen në vendngjarje dhe po punojnë për shuarjen e vatrave të zjarrit.
Grupi hetimor po punon për sqarimin e plotë të rrethanave të rastit. (A2 Televizion)
A2 CNN Livestream
MUND TE LEXONI GJITHASHTU
