Java ka nisur e kthjellët, por mëngjeset dhe netët do të jenë të ftohta përgjatë gjithë javës. Është ky parashikimi i meteorologes së A2 CNN, Tanja Porja në Dita Jonë, për javën që sapo ka nisur.
"Orët e mbrëmjes dhe të natës do të jenë të ftohta. Termometri ka zbritur në 0 gradë gjatë ditës së sotme në zonat malore. Në mëngjes temperatura do të jenë 1 gradë, në mesditë deri në 24 gradë. Kthjellime në pjesën më të madhe të territorit. Pjesa më e madhe e Shqipërisë do të jetë me diell. Ka patur rënie të temperaturave. Në mesditë kemi shtim gradual të vranësirave në zonat lindore e veriperëndim. Bregdeti do të mbetet i kthjellët”, tha Porja në A2.
Sipas meteorologes, mesdita dhe nata mbeten të freskëta edhe në 3 ditët në vijim.
Sa i përket rajonit, që nga fundjava edhe sot java ka nisur me ngrica në rajon dhe temperaturat kanë zbritur nën zero.
“Kemi ngrica në rajon, Kosova, Mali i Zi dhe Maqedonia e Veriut janë zgjuar me temperatura të ulëta poshtë vlerës zero. Moti do të jetë i kthjellët”.
(A2 Televizion)
A2 CNN Livestream
MUND TE LEXONI GJITHASHTU
