Ish-presidenti Ilir Meta ka uruar nga qelia ditën e Çlirimit të Shqipërisë. Në një mesazh në rrjetet social të shoqëruar edhe me foto të Vojo Kushit mbi tank, Meta shpreh mirënjohjen për dëshmorët dhe heronjtë e Luftës Antifashiste Nacionalçlirimtare. Kreu i Partisë së lirisë thekson se nuk ka liri pa sakrifica sublime, teksa shprehet që përulet me respekt edhe para atyre që luftuan për lirinë dhe vuajtën persekutimin.
“Gëzuar ditën e Çlirimit! Nuk ka liri pa sakrificat më sublime!
Nderim dhe mirënjohje të përjetshme për Dëshmorët dhe Heronjtë e Luftës Antifashiste Nacionalçlirimtare, për bijtë dhe bijat më patriotë të këtij vendi, nga Mujo Ulqinaku e deri te të gjithë ata që luftuan dhe derdhën gjakun për mbrojtjen e Lirisë, Pavarësisë dhe Sovranitetit të Shqipërisë.
Kujtojmë dhe përulemi me respektin më të madh jo vetëm ndaj atyre që ranë për Atdheun, Qemal Stafën, Margarita Tutulanin, Vojo Kushin dhe mijëra të rinj të tjerë, por edhe para të gjithë patriotëve zemërluanë që luftuan për lirinë e vendit dhe më pas vuajtën persekutimin e regjimit totalitar.
Lavdi të përjetshme!”, shkruan Meta. (A2 Televizion)
A2 CNN Livestream
MUND TE LEXONI GJITHASHTU
