Edhe pse sezoni veror po i afrohet fundit, bregdeti i Durrësit vijon të mbetet i mbushur me pushues. Njësitë akomoduese raportojnë prenotime të plota deri në fund të tetorit, kryesisht nga turistët e huaj, duke konfirmuar kështu zgjatjen e sezonit turistik.
Në një intervistë për A2 CNN, përfaqësuesi i një resorti të njohur në qytet, Blerim Norja, bëri një përmbledhje të ecurisë së këtij viti.
“Deri tani me rezervimet jemi deri nga fundi i tetorit, kjo tregon qe sezoni është shtyrë me një muaj. Por është vënë re mungesa e turistëve nga Kosova. Ka pasur mungesë deri në 30-40% më pak të turistëve shqipfolës në krahasim me vitin e kaluar”, thotë ai.
Zgjatja e sezonit deri në tetor shihet si një mundësi për të forcuar pozicionin e Durrësit në hartën turistike të Mesdheut, ndërsa operatorët pritet të analizojnë tendencat e këtij sezoni për të ndërtuar strategji më efektive në të ardhmen. (A2 Televizion)
A2 CNN Livestream
MUND TE LEXONI GJITHASHTU
