Është vënë nën kontroll zjarri që ra një natë më parë në fshatin Tragjas të Vlorës. Gazetari i A2 CNN Edi Ruci raporton se zjarri përfshiu një sipërfaqe të madhe me pemë dhe shkurre dhe u përhap me shpejtësi, i ndihmuar edhe nga era e forta.
Pavarësisht erës së fortë dhe terrenit, forcat zjarrfikëse shkuan në vendngjarje dhe po vunë nën kontroll flakët.
Ministri i Mbrojtjes, Pirro Vengu, ishte mbrëmjen e së shtunës në fshatin Tragjas për të ndjekur nga afër situatën e krijuar nga zjarri i qëllimshëm, i cili u vu nën kontroll falë ndërhyrjes së skuadrave të emergjencës civile të Bashkisë Vlorë.
Vatra zjarri janë regjistruar jo vetëm në territorin e Bashkisë Vlorë, por edhe në atë të Selenicës. Aktualisht, situata mbetet nën kontroll, ndërsa forcat zjarrfikëse janë në gatishmëri të plotë për të parandaluar riaktivizimin e flakëve për shkak të erës së fortë. (A2 Televizion)
A2 CNN Livestream
MUND TE LEXONI GJITHASHTU
