Për të mobiluar shtëpinë, blerë pajisje elektronike, ikur me pushime apo për nevoja emergjente shëndetësore, shqiptarët morën 41 miliardë lekë ose rreth 410 milionë euro hua nga institucionet financiare jo-banka vitin e shkuar. Në raport me 2023-shin, kredia e dhënë nga “mikrofinanca” u zgjerua me 4 miliardë lekë apo 10.8 për qind.
“Nëse e shohim me numër klientësh, rezulton që këta të fundit të kenë marrë kredi 2 apo edhe tre herë brenda një viti për shkak të afateve të shkurta të shlyerjes. Pjesa më e madhe e huamarrjes ndodh në Tiranë, pasi pikërisht këtu është e përqendruar edhe masa më e madhe e popullsisë”, tha Brunilda Iaai, sekretare e përgjithshme e shoqatës, “Mikrofinanca Shqiptare”, shkruan A2 CNN.
Pjesa më e madhe e këtyre huave iu dhanë bizneseve, ndjekur nga individët dhe buqit e fermerët. Të dhënat nga Banka e Shqipërisë tregojnë se tanimë, kredia e dhënë nga mikrofinana po zë rreth 7 për qind të totalit të huave të dhëna gjatë 2024-s.
“Është konsiderueshëm. Nëse e krahasojmë me para 5 vitesh, mikrofinanca zinte 2 deri në 2 pik ca për qind dhe kjo tregon një rritje të konsiderueshme.”
Ulja e tavanit për kreditë nga mikrofinanca vlerësohet si shkak i rritjes së huamarrjes nga institucionet financiare jo-banka. Ndërkohë shpopullimi veçanërisht i periferisë ka ulur ndjeshëm numrin e klientëve nga zonat rurale.
“Mikrofinanca nuk kërkon kolateral apo kushte të tjera siç bankat tregtare kanë. Ndaj shumë zgjedhin këtë formë huamarrje. Besojmë se dhe 2024-a do të jetë pozitiv për mikrofinancën. Ka largime masive drejt Tiranës ose jashtë e ndaj jemi në këto kushte”.
Të dhënat e shoqatës, “Mikrofinanca Shqiptare” tregojnë se gjatë vitit të shkuar pati gjithsej 266 mijë e 442 klientë aktivë. Pjesa më e madhe, gati 159 mijë rezultojnë gra. (A2 Televizion)
A2 CNN Livestream
MUND TE LEXONI GJITHASHTU
