Qeveria qendrore dhe bashkitë nuk po shpëtojnë dot nga borxhet. Detyrimet e prapambetura janë rritur sërish, duke u kthyer në një problem për financat publike.
Të dhënat tregojnë se në shtator, stoku i këtyre borxheve arriti në 10.5 miliardë lekë, me rritje 2.7 miliardë kundrejt fundit të vitit të kaluar.
Por kush po krijon detyrime të reja?
Rezulton se në këtë periudhë më problem është qeveria, krejt ndryshe nga bashkitë që kanë nisur të paguajnë detyrimet e tyre të prapambetura. Nga totali i borxhit prej 10.5 miliardë lekë, 7 miliardë është i pushtetit qendror dhe vetëm 3.5 miliardë lekë ai i vendorëve.
Pjesa dërrmuese e borxheve iu detyrohet palëve të treta.
Ato janë kryesisht detyrime në investime të kryera nga kompanitë private e të papaguara. Ndërkohë që në vend të dytë renditen vendimet e gjykatave për largimet e padrejta nga puna, të bëra si nga institucionet e pushtetit qendror, ashtu edhe nga bashkitë.
E këto detyrime kanë pasoja në buxhetin e institucioneve qendrore dhe bashkive, si dhe në ekonominë e vendit.
Ato konsiderohen një ndër risqet për financat publike, së bashku me kontratat e Partneritetit Publik-Privat, vendimet e arbitrazhit ndërkombëtar dhe borxhin publik të vendit. (A2 Televizion)
A2 CNN Livestream
MUND TE LEXONI GJITHASHTU
