Një 59-vjeçari në Elbasan i është vendosur lëndë plasëse në banesën e tij. Ngjarja ka ndodhur rreth orës 02:30, në lagjen "Haxhias" në Elbasan. Lënda plasëse ishte vendosur në korridorin e katit të 4-t të një pallati në derën e hyrjes në pronësi të shtetasit B. B., 59 vjeç.
Në momentin e shpërthimit 59-vjeçari nuk ka qenë në shtëpi, pasi banesa iu ishte dhënë me qira dy vajzave. Si pasojë e shpërthimit, janë shkaktuar dëme materiale.
Policia po heton për të zbardhur të plotë ngjarjen, që nga shënjestra deri të motivet dhe kapjen e autorëve.
“Rreth orës 02:30, në lagjen "Haxhias", në korridorin e katit të 4-t të një pallati në derën e hyrjes në pronësi të shtetasit B. B., 59 vjeç, në të cilën jetonin me qira dy shtetase ka shpërthyer një sasi lënde e dyshuar plasëse.
Si pasojë janë shkaktuar dëme materiale. Ndërkohë po nga shpërthimi është dëmtuar aksidentalisht nga dera e dhomës së tij shtetasi E. Th., rreth 26 vjeç, i cili banon në hyrjen përballë. 26-vjeçari momentalisht është jashtë rrezikut për jetën.
Është ngritur një grup i posaçëm hetimor me specialistë për Hetimin e Krimeve të Rënda të Drejtorisë Vendore të Policisë Elbasan dhe Departamentit të Policisë Kriminale në drejtimin e Prokurorisë, vijojnë punën për zbardhjen e rastit, identifikimin e kapjen e autorit/ve”, njofton policia.
(A2 Televizion)
A2 CNN Livestream
MUND TE LEXONI GJITHASHTU
