Pasditen e sotme, pranë rrethrrotullimit të Shupenzës, banorë të zonës kanë konstatuar një automjet të përmbysur pranë lumit dhe kanë njoftuar menjëherë shërbimet e Policisë.
Në reagim të menjëhershëm, forcat policore kanë shkuar në vendngjarje dhe pas verifikimeve kanë identifikuar drejtuesin e automjetit si shtetasin I.N., 35 vjeç. Ky i fundit ishte shpallur në kërkim një ditë më parë, pasi ishte raportuar i zhdukur nga familjarët, konkretisht nga i ati, i cili bëri kallëzim për largimin e tij nga banesa.
I plagosur, 35-vjeçari është transportuar menjëherë në Spitalin e Traumës, ku po merr ndihmën mjekësore të nevojshme.
Grupi hetimor ndodhet në vendin e ngjarjes dhe po punon për të zbardhur rrethanat e aksidentit dhe shkaqet e mundshme që çuan në përmbysjen e automjetit. (A2 Televizion)
A2 CNN Livestream
MUND TE LEXONI GJITHASHTU
