
Shërbimet e Policisë Kufitare në doganën e Kakavijës kanë goditur një tjetër rast të mosdeklarimit të parave në kufi. Gjatë kontrollit të ushtruar në daljen e Shqipërisë, në çantën e shtetasit D. H., banues në Elbasan, u gjetën 22.250 euro, të cilat ai nuk i kishte deklaruar sipas kërkesave ligjore.
Pas zbulimit të shumës së padeklaruar, specialistët për Hetimin e Krimeve në Gjirokastër referuan materialet në Prokurori dhe filluan procedimin penal ndaj 54-vjeçarit, për veprën penale “Mosdeklarimi në kufi i të hollave dhe i sendeve me vlerë”. (A2 Televizion)