Autoriteti Kombëtar i Ushqimit i ka ndërprerë aktivitetin dhe ka gjobitur me 1,5 milionë lekë kompaninë SORI-AL, pasi ka gjetur një tjetër rast të shërbimit të ushqimit të kontaminuar, këtë herë në Garnizonin “Skënderbej” të Forcave të Armatosura, raporton A2 CNN.
AKU njoftoi se pas analizave të makaronave të marra në Akademinë e Sigurisë në Sauk, ato kanë dalë të kontaminuara me bakteret E.Coli dhe stafilokok.
“Nga laboratori i Referencës ISUV informohemi se tetë mostra të kampionuara kanë dalë brenda normave dhe një kampion makarona produkt i gatshëm ka rezultuar jokonform për ngarkesë mbi norme Escherichia.Coli dhe B staphylococcus koagulaze pozitive, mostër kjo e kampionuar në kuzhinën brenda ambienteve të Akademisë së Sigurisë, Sauk.
Për këto gjetje AKU mori masën e ndërprerjes së aktivitetit, deri në plotësimin e kërkesave ligjore nga OBU për pastrimin dhe dezinfektimin e ambienteve dhe pajisjeve të punës”, thuhet në njoftimin e AKU.
“Në vijim të ndjekjes së gjurmueshmërisë, në adresën Garnizoni “Skënderbej” pranë Forcave të Armatosura, ku është kryer prodhimi i këtyre produkteve, referuar konstatimeve të institucioneve shëndetësore, mbi raportin përfundimtar të hetimit epidemiologjik për rezultatet jokonforme për tregues të higjienës, evidentuar në kampionët në ruajtje si dhe në disa prej pajisjeve të punës,
AKU mori masa për ndërprerjen e aktivitetit të subjektit SORI-AL edhe në adresën Garnizoni “Skënderbej” pranë Forcave të Armatosura.
Gjithashtu u vendos masë administrative me gjobë në vlerën 1,500,000 lekëve për ushqim të pasigurt dhe kushte higjieno-sanitare.
Subjektit iu la detyrë marrja e masave për kryerjen e procedurës së asgjësimit referuar produktit të bllokuar rezultuar jo konform”. (A2 Televizion)
A2 CNN Livestream
MUND TE LEXONI GJITHASHTU
