Policia aksion në Shijak, arrestohet Astrit Avdylaj

Policia ka zhvilluar një aksion dhe kontrolle në Shijak. Burime jozyrtare bëjnë me dije për A2 CNN  se është arrestuar Astrit Avdylaj, që njihet si kreu i një grupi kriminal në Shijak. Urdhri për ndalimin e tij është dhënë nga SPAK. Policia ka shoqëruar gjithashtu edhe disa persona të tjerë.

Dyshohet se Avdylaj ka qenë i armatosur në momentin e arrestimit. Forca të shumta policore janë vendosur në pikat hyrëse dhe dalëse.

Astrit Avdyli ishte në kërkim në kuadër të megaoperacionit të SPAK ku u lëshuan 50 urdhër arreste.

Prokuroria e Posaçme lëshoi 50 urdhër arreste për persona të dyshuar si pjesë e 7 bandave kriminale, nga të cilat 14 u ekzekutuan në Shqipëri, dhe 6 të tjera në Itali, Gjermani, Spanjë dhe Belgjikë. Operacioni “Revanshi” u zhvillua në datat 17 dhe 18 maj dhe një pjesë e mirë e personave ndaj të cilëve u lëshuan urdhër arrestet, ndodhen prej kohësh jashtë vendit.

  (A2 Televizion)