Gjykata e Posaçme shtyu për më 15 janar seancën gjyqësore ndaj Altin Hajrit, i akuzuar për rrëmbenin dhe zhdukjen e Jan Prengës. Seanca e së martës dështoi për shkak të mungesës së një prej anëtarëve të trupit gjykues. Hajri gjykohet në mungesë.
Për këtë çështje, po gjykohet veçmas edhe Dritan Rexhepi dhe 6 të pandehur të tjerë. Ndërsa më parë, Gjykata e Posaçme e Apelit ka dënuar me vendim të formës së prere, me burgim përjetë, Festim Bexhdili, ish-kopshtari i kompleksit në Shijak ku u dërgua pas rrëmbimit e nga ku u zhduk më pas trupi i Jan Prengës.
Sipas SPAK, Festim Bexhdili ka qenë në ambientet e kompleksit “Golden” kur aty është dërguar trupi i Jan Prengës dhe ka ndihmuar rrëmbyesit ta zhvendosë trupin nga një automjet në tjetrin. Po ashtu, ai dyshohet se ka ndihmuar këta persona në zhdukjen e trupit dhe ka dijeni për të, dijeni që nuk e ka ndarë me hetuesit.
Gjatë deklarimeve të tij një gjyq, Bexhdili ka pranuar se ju është bindur personave që mbërritën në garazhin e kompleksit, për të zhvendosur trupin, si edhe t’ju ketë vënë në dispozicion një kazmë dhe lopatë, për shkak se ata ishin të armatosur. (A2 Televizion)
A2 CNN Livestream
MUND TE LEXONI GJITHASHTU
