Sekuestrohen dy tonë drogë në Spanjë, pjesa më e madhe iu përkiste shqiptarëve

Policia spanjolle bën me dije se ka sekuestruar një sasi të madhe lënde narkotike të llojit kokainë që vinte nga Kolumbia.

Gjatë operacionit të Gardës Civile, ku u përfshinë dhe agjencitë ligjzbatuese europiane, ranë në pranga 9 persona.

Aksioni u zhvillua në Galici, një rajon në veriperëndim të Spanjës, si dhe në Monçao, një qytet në Portugalinë veriore që ndodhet në kufirin spanjoll.

Sipas Gardës Civile, rrjeti ishte i lidhur drejtpërdrejt me shpërndarësit kryesorë të kokainë kolumbiane, teksa një pjesë e drogës ishte e destinuar për mafian shqiptare.

Më 12 dhjetor, policia spanjolle njoftoi sekuestrimin e 7.5 ton kokainë, e ardhur nga Kolumbia nëpërmjet Ekuadorit, e trafikuar nga mafiozët shqiptarë në Vigo. (A2 Televizion)