Më shumë se një vit pasi u përfshi në një konflikt në zonën e Palasës, ku goditi me thikë dy persona, policia ka arrestuar një 35-vjeçar me banim në Orikum.
35-vjeçari, i cili rezultonte i shpallur në kërkim për “tentativë për vrasje”, pasi plagosi me thikë dy persona, përplasi me automjetin e tij, shtetasin K. A., i cili u dëmtua rëndë asokohe.
“U bë i mundur lokalizimi, kapja dhe vënia në pranga e shtetasit E. Ç., 35 vjeç, banues në Orikum. Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Vlorë, me vendimin e datës 03.03.2025, i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë. Shtetasi E. Ç. akuzohet se më datë 02.04.2024, në aksin rrugor “Llogara-Palasë”, në bashkëpunim me vëllanë e tij, shtetasin A. Ç., ka goditur me mjet prerës (thikë), shtetasit K. A., 41 vjeç, dhe S. A., 38 vjeç, gjatë një konflikti për motive të dobëta ndërmjet tyre”, njofton policia. (A2 Televizion)
A2 CNN Livestream
MUND TE LEXONI GJITHASHTU
