Një ngjarje e rëndë është regjistruar gjatë së shtunës në Kretë, ku një i mitur shqiptar është mbytur teksa lahej në det.
Sipas të dhënave paraprake, ngjarja ka ndodhur në zonën e Arvit, ku i mituri 7 vjeçar me emrin Nikolas, i ka shpëtuar vëmendjes së nënës dhe ka hyrë për t’u larë në det.
Në ato momente deti ka qenë i trazuar dhe dallgët e tërhoqën të miturin në thellësi.
Pavarësisht ndërhyrjes së banorëve të zonës, i mituri nuk mundi të mbijetonte.
Në vendngjarje ka mbërritur menjëherë ambulanca dhe fëmija është transportuar në Qendrën Shëndetësore të Viannos, por fatkeqësisht nuk ia ka dalë. (A2 Televizion)
A2 CNN Livestream
MUND TE LEXONI GJITHASHTU
