Policia e Tiranës ka arrestuar dy të rinj.
Në pranga janë vënë shtetasit Admir Sina, 21 vjeç, dhe një 18-vjeçar. Në bashkëpunim me njëri-tjetrin, të rinjtë kanë vjedhur produkte dhe shuma parash në një subjekt tregtar në Kamëz.
Gjithashtu, 21-vjeçari ka rezultuar me precedent penal, shkruan A2.
Ndërkohë nga veprimet hetimore është bërë e mundur edhe zbardhja dhe dokumentimi i autorësisë për 2 vjedhje të tjera të ndodhura më parë, të kryera nga këta dy shtetas.
Njoftimi i policisë:
Vodhën një biznes në Kamëz, falë veprimeve të shpejta hetimore identifikohen, lokalizohen dhe vihen në pranga 2 autorët e dyshuar.
Njëri nga shtetasit e arrestuar, i dënuar më parë për vjedhje.
Zbardhen edhe 2 vjedhje të tjera, të ndodhura më parë, të kryera nga këta 2 shtetas.
Shërbimet e Komisariatit të Policisë Kamëz, menjëherë pas njoftimit të marrë dje për një rast vjedhjeje të ndodhur në një biznes në Kamëz, organizuan punën për zbardhjen e ngjarjes, identifikimin, lokalizimin dhe kapjen e autorëve.
Falë reagimit të menjëhershëm dhe veprimeve të shpejta hetimore, në kuadër të operacionit policor “Together”, u bë identifikimi dhe arrestimi i shtetasit A. S., 21 vjeç, banues në Kamëz, i dënuar më parë për vjedhje, si dhe i një shtetasi 18-vjeçar.
Dje, këta dy shtetas, në bashkëpunim me njëri-tjetrin, kanë vjedhur produkte dhe shuma parash në një subjekt tregtar.
Nga veprimet hetimore është bërë e mundur edhe zbardhja dhe dokumentimi i autorësisë për 2 vjedhje të tjera të ndodhura më parë, të kryera nga këta dy shtetas, konkretisht:
Më datë 18.11.2025 dhe 29.01.2026, këta shtetas dyshohet se kanë vjedhur shuma parash në 2 biznese.
Materialet procedurale i kaluan Prokurorisë, për veprime të mëtejshme.
(A2 Televizion)
A2 CNN Livestream
MUND TE LEXONI GJITHASHTU
