Kryetari i Dhomës së Avokatisë të Shqipërisë, Prof Dr. Maksim Haxhia, ka reaguar lidhur me ngjarjen e rëndë të ndodhur brenda gjykatës së Apelit në Tiranë, ku u vra me armë zjarri gjyqtari Astrit Kalaja dhe u plagosën dy shtetas të tjerë.
Përmes një reagimi për mediat, Haxhia teksa i përcjell ngushëllimet familjarëve të gjyqtarit, shkruan se ndihet i tronditur nga ngjarja.
Haxhia shkruan gjithashtu se kjo ngjarje është një kambanë alarmi për sigurinë dhe shëndetin e gjyqtarëve e prokurorëve, përcjell A2 CNN.
Po ashtu, Haxhia shkruan se kjo ngjarje është edhe një thirrje për avokatët, për ndërgjegjësimin e palëve në proceset penale, civile dhe administrative, për t’ju bërë të qartë atyre se çfarë u takon ligjërisht dhe çfarë jo.
Reagimi:
Të tronditur thellësisht nga ngjarja, lidhur me vrasjen në ambientet e Gjykatës të gjyqtarit të Gjyjatës së Apelit të Juridiksionit të Përgjithshëm, kolegut dhe mikut tonë Astrit Kalaja, trupa e avokatëve i përcjell familjes ngushëllimet më të thella. Kjo ngjarje është gjithashtu një goditje për të gjithë sistemin e drejtësisë dhe shtetit të së drejtës. Kjo ngjarje, për këdo është një thirrje alarmi për sigurinë, së pari të jetës dhe shëndetit të kolegëve, gjyqtarëve e prokurorëve dhe njëkohësisht një thirrje edhe për avokatët për thellimin e punës për ndërgjegjësimin e palëve në procese penale, civile dhe administrative, për ç'ka atyre ju takon ligjërisht dhe për pritshmëritë në proceset ku ata përfaqësojnë palët. (A2 Televizion)
A2 CNN Livestream
MUND TE LEXONI GJITHASHTU
