Një 28- vjeçar shqiptar është vrarë me thikë mbrëmjen e djeshme në Greqi. Siç raportojnë mediat greke, autorët e kësaj ngjarjeje të rëndë janë dy kushërinj të tij, vëllezër të moshës 17 dhe 19 vjeç.
Ngjarja ka ndodhur rreth orës 22:50 kur efektivët e Policisë Rrugore, të cilët po lëviznin pranë kryqëzimit të rrugëve Chania dhe Patisia, panë të rrëzuar përtokë 28-vjeçarin Denis Loka, shkruan A2.
Ai u dërgua me ambulancë në spitalin “Evangelismos”, por nuk mundi që të mbijetojë dhe ndërroi jetë në spital.
Rreth një orë më vonë dy vëllezërit janë paraqitur në komisariatin e Kipselit dhe kanë rrëfyer se kanë vrarë 28-vjeçarin, i cili kishte shkuar së fundmi në Greqi.
17-vjeçari ka treguar në polici se ka qenë ai që ka plagosur për vdekje 28-vjeçarin, ndërsa 19-vjeçari ka qenë bashkëpunëtor, raporton A2.
Sipas mediave greke vrasja ka ndodhur për hakmarrje, pasi sipas dëshmisë së vëllezërve kur kanë qenë fëmijë, 28-vjeçari ka abuzuar seksualisht në Shqipëri. Kur u takuan ata debatuan për atë që pretendojnë se ka ndodhur në të kaluarën. Viktima ka tentuar t’i qetësojë, por ka ndodhur një sherr, i cili ka sjellë plagosjen fatale të 28-vjeçarit. (A2 Televizion)
A2 CNN Livestream
MUND TE LEXONI GJITHASHTU
