Janë zbardhur detaje të reja nga përgjigjja e Ministrisë së Drejtësisë ndaj deputetëve Bledi Çuçi dhe Fatmir Xhafaj, lidhur me kërkesën e tyre për procedurën e ndjekur në transferimin e Erion Veliajt nga burgu i Durrësit në atë të Fierit.
Burime pranë Ministrisë së Drejtësisë, për gazetarin e A2 CNN, Arand Bajrami, bëjnë me dije se është urdhëruar inspektimi i 24 transferimeve të të burgosurve, të kryera gjatë 11 ditëve të fundit.
Verifikimi përfshin edhe procedurën e transferimit të kryebashkiakut të Tiranës, Erion Veliaj.
Ditën e djeshme deputetët Bledi Çuçi dhe Fatmir Xhafaj i kërkuan Ministrisë së Drejtësisë informacion për mënyrën se si u krye transferimi i Veliajt dhe nëse janë respektuar të gjitha procedurat ligjore. (A2 Televizion)
A2 CNN Livestream
MUND TE LEXONI GJITHASHTU
