Në Vermosh u përkujtua 80-vjetori i pushkatimit të Prekë Calit dhe 13 burrave të tjerë nga regjimi komunist, një ngjarje e njohur si Kryengritja e Malësisë së Madhe kundër diktaturës.
Historianë, klerikë dhe përfaqësues të ish-të përndjekurve politikë kujtuan këtë ngjarje si një nga episodet më të dhimbshme të historisë shqiptare, shkruan A2 CNN.
Në fjalët e tij, famullitari i Bajzës, padër Vitor Demaj, theksoi rëndësinë e kujtesës historike. Ndërsa Besim Ndregjoni, kryetar i Unionit të ish-të përndjekurve politik, akuzoi klasën politike se në 30 vite demokraci nuk ka dënuar krimet e komunizmit.
Kryetari i ish-të përndjekurve politik në Kelmend, Nik Doni, u ndal tek fakti që ende mungon leja për rindërtimin e kullës së shkatërruar të Prekë Calit, duke e cilësuar këtë si një padrejtësi të qëllimshme ndaj figurës së tij, shkruan A2 CNN.
Pas humbjes së betejës, Prekë Cali u strehua në një shpellë në Vukël bashkë me 15 të tjerë, por u dorëzua me ndërmjetësimin e një kleriku për të mos u dhunuar. Komunistët nuk mbajtën fjalën: më 25 mars 1945, ai u pushkatua bashkë me shokët e tij. Për dekada me radhë, malësorët u përballën me vrasje, tortura dhe dënime nga diktatura e Enver Hoxhës.
Për malësorët e Kelmendit, kujtimi i Prekë Calit mbetet simbol i qëndresës dhe i betejës për liri. (A2 Televizion)
A2 CNN Livestream
MUND TE LEXONI GJITHASHTU
