Ende pa një njoftim zyrtar nga Ministria Turizmit, Kulturës dhe Sportit, duket se emri i drejtueses së re të Qendrës Kombëtare të Librit dhe Leximit (QKLL) është vendosur.
Sipas agjendës së publikuar të Samitit të Diasporës Shqiptare, në krye të QKLL-së pritet të jetë Arta Marku.
Në buletinin përkatës, ajo prezantohet qartësisht me detyrën e drejtoreshës së QKLL-së, çka ka ngritur dyshime se emërimi i saj mund të jetë tashmë i vendosur, edhe pse ende i paformalizuar publikisht.
Ky zhvillim vjen pas përfundimit të mandatit të Alda Bardhylit, e cila ka drejtuar institucionin përgjegjës për politikat e librit dhe nxitjen e leximit në vend.
Shkruan që prej pandemisë ishte Alda Abardhyli në krye të QKLL dhe prej gati një viti i ka përfunduar mandati.
Ndërkaq, konkursi ka më shumë se 6 muaj që është hapur. Kandidatët kanë dorëzuar në Ministrinë e Kulturës platformat, por ende zyrtarisht nuk ka fitues.
Megjithëkëtë, duket se emërimin e ri e zbulon agjenda e Samitit të Diasporës. Arta Marku duket se do të jetë drejtuesja e re e QKLL-së. Njëlloj edhe me Bibliotekën Kombëtare për të cilën po ashtu ka një konkurs për drejtues, pasi edhe Piro Mishës i ka përfunduar mandati, pritet që kreu të shpallet së shpejti.
(A2 Televizion)
A2 CNN Livestream
MUND TE LEXONI GJITHASHTU
