Grupe polifonike përgjatë muajit gusht do të performojnë në fundjavë trashëgiminë kulturore të isos polifonike në qytetin e kalldrëmtë, Gjirokastër. Përveç promovimit, ky aktivitet shikohet edhe si shtysë që tradita polifonike të përçohet dhe perfeksionohet ndër breza.
"Iso mbi kalldrëm” titullohet cikli i fundjavave të këngës polifonike në Gjirokastër që në këtë sezon vere po tërheq vëmendjen e turistëve vendas dhe të huaj.
Përgjatë fundjavave të muajit gusht, grupe dhe ansamble të këngës popullore performojnë në komplekset muzealë dhe rrugët e kalldrëmta të Pazarit karakteristik, duke i kthyer në skena të vërteta artistike.
Përveçse një atraksion më shumë për turistët" Iso mbi kalldrëm" shërben edhe për promovimin dhe transmetimin në breza të vlerave të polifonisë.
Tashmë vlerat e folklorit dhe trashëgimisë kulturore cilësohen si një ndër pika më të forta për tërheqjen e vizitorëve dhe nxitjen e turizmit. (A2 Televizion)
A2 CNN Livestream
MUND TE LEXONI GJITHASHTU
