Në teatrin “Migjeni” të Shkodrës ka çelur siparin e tij Festivali Kombëtar i Humorit, që në natën e parë ka patur në skenë trupën e estradës së Shkodrës me emrat e saj ikonë të humorit shqiptar, si Zyliha Miloti, Drane Xhai, Sandër Ruçi etj.
Të gjitha materialet e prezantuara para publikut shkodran ishin të reja dhe të punuara enkas për këtë festival, shkruan A2.
Humori i pastër shkodran është vlera më e madhe e këtij festivali, shprehen kolosët e skenës, duke ndjekur kështu traditën e këtij qyteti.
I ftuar enkas në këtë festival ka qenë edhe aktori Sandër Ruçi, i cili ka ardhur enkas nga SHBA për këtë event.
Festivali Mbarëkombëtar i Humorit do të vazhdojë deri më 8 dhjetor çdo natë në teatrin “Migjeni”, teksa të ftuar do të jenë artistët nga Shqipëria, Kosova dhe Maqedonia e Veriut. (A2 Televizion)
A2 CNN Livestream
MUND TE LEXONI GJITHASHTU
