Për kryetarin e Grupit Parlamentar të Partisë Demokratike, Gazment Bardhi, SPAK është në provë sa i takon çështjes së deputetes Belinda Balluku.
“Testi është vendimtar, sepse pozita penale e ish-zëvendëskryeministres është rënduar, sipas vetë njoftimit publik të 4 qershor-it me dyshimet për dy vepra të reja penale: korrupsion pasiv dhe pastrim parash”, tha Bardhi, përcjell A2 CNN.
Bardhi pretendon se SPAK po vepron me dy standarde, duke ngritur dyshime për ndikim politik përmes disa pyetjeve.
“Kush po e pengon Prokurorinë e Posaçme të zbatojë ligjin, kur ligji dikton se, me rëndimin e pozitës penale, duhet të rëndohet edhe masa e sigurimit, pikërisht standardi që vetë SPAK vendosi në dhjetor? A ka ndërhyrë Edi Rama te drejtuesi i ri i Prokurorisë së Posaçme për të shtyrë, të paktën deri në shtator, zbatimin e ligjit dhe të të njëjtit standard në çështjen Balluku?”, shtoi ai.
Sipas kreut të grupit të PD, SPAK po dëmton besimin te publiku. (A2 Televizion)
A2 CNN Livestream
MUND TE LEXONI GJITHASHTU
