Një kërkesë e demokratit Xhelal Mziu për t’i dhënë precedencë dëgjesave me qytetarët në vend të atyre me kryebashkiakët, ndezi debatin në Komisionin e Reformës Territoriale.
Ndërhyrja e bashkëkryetarit socialist, Arbian Mazniku, solli përgjigjen e homologut të tij opozitar Luçano Boçi, teksa të dy vijuan replikat.
Romeo Çakuli, qytetar i parë i Finiqit, nuk duroi dot më dhe u rebelua.
Insistimi i demokrates Ina Zhupa për të marrë fjalën për procedurë, sosi durimin e kryebashkiakut të Gramshit, Besion Ajazi, që i ndërhyri pa mikrofon.
Pas qetësimit të situatës, mbledhja vijoi me dëgjimin e dy kryebashkiakëve të mbetur në sallë, Erion Isait të Ersekës dhe Ajazit të Gramshit, ndërsa Alma Hoxha e Përmetit dhe Romeo Çakuli i Finiqit ishin larguar, duke shprehur gatishmërinë t’u përgjigjeshin me shkrim pyetjeve të deputetëve. (A2 Televizion)
A2 CNN Livestream
MUND TE LEXONI GJITHASHTU
