“Gjeli detit mbeti pa parti”, Rama: Dash Sula ndërtoi gjithë atë parti në Peqin, por në mëngjes ja kishin marrë

Kryeministri Edi Rama ka prezantuar paraditen e së mërkurës kandidatët për deputetë të Qarkut të Elbasanit. Ndër të tjetra, ai ka ironizuar edhe Dashnor Sulën, i cili pasi nuk pranoi të qëndronte në listat e hapura të PD, tashmë ka mbetur jashtë zgjedhjeve të 11 majit.

Rama tha se Sula “ndërtoi gjithë atë parti në Peqin dhe ia prishën natën, u gdhi në mëngjes dhe ia kishin marrë”.

“Gjithë ajo parti atje, nuk dihet se kush do t’i hajë ato kokrra gruri se gjeli detit mbeti pa parti”, u shpreh ai.

Kryeministri theksoi se “gjel deti e kam kompliment se është në fushë të thatë, se të tjerët janë lluc”.

“Nuk është rastësi që kalaja e Rozafës është legjendë shqiptare, ndërto ditën e prish natën. Ndërto Dash Sula gjithë atë parti në Peqin dhe ia prishën natën, u gdhi në mëngjes dhe ia kishin marrë partinë, ia morën natën partinë Dash Sulës.

Gjithë ajo parti atje, nuk dihet se kush do ti hajë ato kokrra gruri se gjeli detit mbeti pa parti. Gjel deti e kam kompliment se është në fushë të thatë, se të tjerët janë lluc. Mund të thuash çfarë të duash për atë, po ato që i ka, i ka”, tha Rama. (A2 Televizion)