Monika Kryemadhi, e cila kthehet sot në Parlament pas një periudhe mungese, ka hedhur poshtë lajmet e publikuara për nisje hetimesh ndaj saj nga struktura e posaçme SPAK.
Teksa fliste për gazetarët jashtë ambienteve të Kuvendit, deputetja e Partisë së Lirisë foli për “fake news” dhe minim të demokracisë në Shqipëri.
Kryemadhi pranoi se është thirrur disa herë në SPAK për çështjen e inceneratorëve, por mohoi që të jetë hapur ndonjë hetim ndaj saj apo bashkëshortit të saj kreut të PL-së, Ilir Meta.
Ndërsa, e pyetur për aksionin opozitar të nisur nga aleati i Metës, Sali Berisha, Kryemadhi tha se ajo mbështet çdo iniciativë të nisur.
“Ka një strukturë të PL-së që merret me këtë gjë. Do të koordinohemi për ato pika që bashkohemi,” u shpreh Kryemadhi duke shtuar se me Gazment Bardhin ka pasur disa hatërmbetje, por “ato ishin gjatë kohës që ai kishte kryetar Lulzim Bashën." (A2 Televizion)
A2 CNN Livestream
MUND TE LEXONI GJITHASHTU
