Drejtuesi politik i ‘Koalicionit Euroatlantik’, Lulzim Basha, ka ‘thumbuar’ sërish ditën e sotme kryeministrin Edi Rama, pasi ky i fundit e përmendi në një takim në Vlorë.
Përmes një videoje nga Athina ku shfaqet me një emigrant shqiptar, Basha pyet sërish kryeministrin se ku i ka shokët, pyetje të cilën e kemi dëgjuar shpesh gjatë këtyre ditëve.
Lidhur me tramvajin e premtuar nga ish-kryedemokrati gjatë kohës që ishte kryetar i Bashkisë së Tiranës, Basha thotë se ishte Edi Rama që nuk e pranoi ndërtimin e tij, pasi sipas tij, atje kryeministri aktual nuk kishte mundësi të vidhte.
Basha thotë se Rama kishte prioritet inceneratorët që bashkë me kryebashkiakun e arrestuar, Erion Veliajn, të mund të vidhnin sa më shumë.
“O Rame, nga Athina Rame të pyesin ku i ke shokët. Ti merresh me tramin, por tramin nuk e deshe ti mër Rame, se nuk vidhshe dot me tramin. Ishte Franca mbrapa. Edhe i the Presidentit Holand ‘nuk e kam prioritet’. Se kishe prioritet inceneratorët me lali Erin mër Rame, të vidhshe sa më shumë. Ku e ke lali Erin mër Rame, ça ka ndonjë të re sot nga Durrësi. Eh mër Rame, 7x7 bëjnë 313”, tha Basha, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
