Ka dështuar sërish komisioni hetimor për koncesionet në shëndetësi. Deputetët e mazhorancës kanë bojkotuar për herë të tretë radhazi mbledhjen e komisionit hetimor. Në një deklaratë për mediat, kryetarja Albana Vokshi, tha se e gjithë kjo bëhet me urdhër të kryeministrit Rama, i cili, sipas saj nuk do që të zbardhet e vërteta për këto dy afera korruptive; check-up dhe sterilizim.
“Dëshmuam mungesë vullneti e dëshire të mazhorancës për mbarëvajtje të komisionit hetimor. Deputetët e mazhorancës e bojkotuan për herë të tretë radhazi mbledhjen e komisionit hetimor. Është e qëllimshme. Ashtu sikurse refuzuan për dy vitet e fundit, refuzuan për 5 muaj kur opozita protestoi të drejtat kushtetuese e ligjore të opozitës, po vijojnë refuzimin e të drejtave të opozitës, por në një formë tjetër. E kanë ngritur komisionin për ta dështuar e bllokuar. Çdo mbledhje bojkotohet nga mazhoranca se nuk duan të zbardhen dy afera korruptive check-up dhe sterilizim. Mazhorancë që bojkoton është vetëm kjo me urdhër të Ramës po bllokojnë hetimet parlamentare.”
Vokshi u kujtoi deputetëve të mazhorancës edhe nenet e ligjit për komisionet hetimore, sipas të cilëve kur mungon deputeti merret masa e largimit dhe zëvendësimit. Ajo tha se Ndreca dhe Ekonomi janë në konflikt interesi dhe u bëri thirrje deputetëve të mazhorancës të mos dëgjojnë urdhrat e Ramës.
“Neni 9 pika 7, nëse për më shumë se 3 herë radhazi mungon deputeti merret masa e largimit dhe zëvendësimi i tyre. Sot është hera e tretë që deputetët e mazhorancës kanë bojkotuar komisionin për arsye të papërligjura. I bëj thirrje deputetëve të mazhorancës që të mos ndjekin porosinë e Ramës që nuk do hetim parlamentar dhe as porosive të Plarent Ndrecës, se është në konflikt të hapur interesi, ka qenë avokat i disa prej të akuzuarve nga SPAK. Edhe Milva Ekonomi është në konflikt interesi se ka drejtuar grupin e punës për tenderin për të dyja koncesionet dhe i kanë bërë thirrje zonjës Ekonomi të dorëhiqet.”
Ajo theksoi se ka depozituar sot planin hetimor, ku në listën e dëshmitarëve është Rama, Beqaj, Manastirliu, Cani, Denaj, Albana Koçiu, Klodian Rrjepaj, Geraldina Bogdani dhe persona nga Nisma Thurje që kanë depozituar më parë kallëzimin në SPAK.
(A2 Televizion)
A2 CNN Livestream
MUND TE LEXONI GJITHASHTU
