Analisti Sami Neza tha në “Debat nga Alba Alishani” në A2 CNN se Agron Gjekmarkaj ishte dhunuar nga efektivët dhe kishte qenë vetë nënkryetari i Kuvendit që e kishte deklaruar këtë, pak sekonda para se të ndihej keq dhe të dërgohej në spital.
“Disa sekonda para se të jepej lajmi që zoti Gjekmarkaj u sëmur, ai dha një intervistë dhe tregoi se ishte dhunuar dhe qëlluar nga policia. Ishte përdorur dhunë brutale ndaj tij dhe njerëzve që kishte pranë”, u shpreh Neza.
Ndërsa për Edith Harxhin, situatën e bën më të rëndë fakti që Gjekmarkaj, në cilësinë e nënkryetarit të Kuvendit, duhet të ishte i shoqëruar edhe nga një efektiv i Gardës së Republikës. “Jam e sigurt që kamerat e mediave do të bëjnë të mundur zbardhjen e situatës. Nëse bodigardi që ka qenë aty për ruajtjen e nënkryetarit të Parlamentit, ka treguar kartën e Gardës së Republikës dhe nëse ka pasur cenim fizik të tij, natyrisht kjo do të thotë që policia nuk ka pyetur jo vetëm për gardën, por as edhe për nënkryetarin e parlamentit”, tha ajo. (A2 Televizion)
A2 CNN Livestream
MUND TE LEXONI GJITHASHTU
