Kryeministri Edi Rama është shprehur se nuk është normale të mendohet se Reformën në Drejtësi në Shqipëri e bëri miliarderi Xhorxh Soros.
Komentet Rama i bëri gjatë një takimi me asambletë socialiste të Kamzës dhe njësive 7 e 10 në kryeqytet, pas deklaratave të një gazetari në Kongresin Amerikan, i cili tha se Reforma në Drejtësi në Shqipëri u projektua nga Soros e USAID dhe përmes saj u godit politikisht kreu i opozitës në Shqipëri, shkruan A2 CNN.
Rama me ironi tha se s’mund të ndodhte që një miliarder nga më të mëdhenjtë në botë t’i kushtonte jetën e tij kapjes së bufit të kënetës (siç e cilëson ai Berishën).
Ai me ironi vijoi të thoshte se Berisha nuk është as ndonjë sorkadhe, që të mund t’i merrte mendjen Sorosit.
“Thonë e bëri Sorosi reformën në drejtësi. E futi në burg Sorosi kreun e opozitës. Një miliarder nga më të mëdhenjtë të botës i kushtoi jetën kapjes së bufit të kënetës në Shqipëri, të ishte ndonjë sorkadhe apo fazan hajde de”, tha mes të tjerash Rama. (A2 Televizion)
A2 CNN Livestream
MUND TE LEXONI GJITHASHTU
