Partia Demokratike do të nisë shumë shpejt një stinë të re protestash deri në rrëzimin e kryeministrit Edi Rama.
Kjo ishte deklarata e demokratit Grigels Muçollari, i cili zbuloi në “Off the Record” vendimet e marra së fundmi në Kryesinë e partisë.
“Ne kemi kërkuar një analizë për zgjedhjet. Tani doli raporti i OSBE-ODIHR. Kemi gabime, por nuk jemi problemi. Ne duhet të themi si do të jemi zgjidhja. Raporti e faktoi ndërhyrjen e shtetit në mënyrë të dhunshme dhe manipulimin e vullnetit të zgjedhësve. Sot kryesia mori vendimin të vazhdojmë protestat deri në rrëzimin e Edi Ramës. Protesta është akt politik.
Nga momenti që kam ardhur këtu iu dëgjoj që fajin e ka opozita. Do të mbajmë protesta, hapjen e partisë dhe analizën që është një proces i brendshëm. Pati një diskutim të frytshëm. Patjetër do të ketë dhe nga ata që duhet të mbajnë përgjegjësi. Në PD të largon vota”, tha Muçollari në A2 CNN. (A2 Televizion)
A2 CNN Livestream
MUND TE LEXONI GJITHASHTU
