Procesi i rinumërimit ka hyrë në javën e dytë, por duket se ka humbur interesin e partitive politike. Ndryshe nga numërimi fillestar, ku përfaqësuesit e partive dyndeshin para tavolinave të numëruesve, pallati i sportit “Farije Hoti”, prej ditësh vizitohet nga pak njerëz.
I vetmi që ka qenë prej fillimit të rinumërimit është deputeti Asllan Dogjani, pavarësisht se është larg marrjes së mandatit. Ai është i vetmi që konteston dhe vendimet e numëruesve të KQZ, shkruan A2 CNN. Një votë për të, por që u konsiderua e pavlefshme nga anëtarët e KAS, ishte shkak për debate mes deputetit dhe anëtarëve të këtij organi.
Demokrati duket se pakënaqësinë më të madhe e ka me Ilir Rusmalin, të cilin e akuzon me emër se po i heq vota padrejtësisht. Pas denoncimit Dogjani vijoi vëzhgimin e rinumërimit dhe sërish pati përplasje me anëtarët e KAS, ku këtë herë ishte radha e Elvis Cefës për t’u përballur me kritikat e tij.
Procesi i rinumërimit deri më tani ka shfaqur më shumë probleme brenda llojit ku kandidatët kanë tentuar t’i marrin vota preferenciale kolegut të partisë, sesa mes subjekteve të ndryshme garuese. (A2 Televizion)
A2 CNN Livestream
MUND TE LEXONI GJITHASHTU
