Veprimi i Gardës së Republikës për të mos lejuar deputetët e opozitës për t’u futur në godinën e Kryesisë së Kuvendit është cilësuar jo i duhuri nga socialisti Arben Pëllumbi.
Megjithatë, ai i amnistoi ato me sigurinë që duhet garantuar për deputetët.
Sipas tij, puna e Komisioneve tashmë do të kalojë online për shkak se ndihen të rrezikuar nga kolegët demokratë.
“Javën e kaluar e patë se çfarë ndodhi. Këtu u tentua deri të hyhej me forcë në zyrën e kryetares. Në këto kushte, Garda ka nevojë që t’i japë zgjidhje këtij problemi. Ajo që është e rëndësishme të kuptoni është që asnjë nga deputetët që nuk ishin të përjashtuar, nuk u ndaluan të futeshin në ambientet e Kuvendit,” deklaroi Pëllumbi ndër të tjera. (A2 Televizion)
A2 CNN Livestream
MUND TE LEXONI GJITHASHTU
