Mes brohorimave të mijëra të pranishmëve, Sali Berisha u ngjit në podiumin e vendosur për hapjen e fushatës së koalicionit Aleanca për Shqipërinë Madhështore me lot në sy.
Teksa falënderoi qytetarët që e kanë mbështetur, kandidatët për deputet, por edhe drejtuesin e fushatës së Partisë Demokratike dhe Aleancës për Shqipërinë Madhështore, Chris LaCivita, Berisha u shfaq me lot në sy, shkruan A2 CNN.
“Mirëmbrëma, ju njerëz të mrekullueshëm që e kane bërë këtë shesh më të bukurin në Europë. Në jetën time kam mbajtur shumë fjalime, por sot jam më i emocionuar se kurrë”, tha Berisha.
LaCivita flet si demokrat: Në 12 vite, krime e drogë, votoni Berishën, ktheni shpresën
Drejtuesi i fushatës së Partisë Demokratike dhe Aleancës për Shqipërinë Madhështore, Chris LaCivita ka mbajtur fjalën e tij në mitingun hapës të opozitës, ku ka akuzuar mazhorancës për 12 vite dështime.
Ish-këshilltari i Trump deklaroi se socialistët, ashtu si në Amerikë nuk do të mund t’i mbyllin gojën opozitës, dhe ftoi të pranishmit që të votojnë Berishën nëse duan rikthimin e shpresës.
“Kush është gati ta bëjë Shqipërinë e Madhe. Në 2024 në SHBA, socialistët u përpoqën teë burgosin Trump, por dështuan. Në 2025, këtu në Shqipëri, socialistët duan të burgosin opozitën e tyre dhe do të dështojnë. Përse? Sepse nuk kanë të çfarë të thonë për 12 vitet e fundit. 12 vjet krime? 12 vjet drogë. Janë 12 vjet dështime ekonomike. Përse të votosh një parti që ka shkaktuar të gjitha problemet. Votoni Berishën. Ktheni shpresën”, tha Chris Lacivita. (A2 Televizion)
A2 CNN Livestream
MUND TE LEXONI GJITHASHTU
