“Ec si unë, hyr në botën time”, fushata ndërgjegjësuese kushtuar sklerozës multiple

Tanush Çaushi tregoi në “Dita Jonë” mbi fushatën ndërgjegjësuese mbi sklerozën multiple.

“Fushata jonë “Ec si unë, hyr në botën time”, tregon botën e personave me sklerozë multiple. Kemi një rampë me qëllim që t’i kujtojmë njerëzve se për të hyrë në shtëpi duhet një rampë; për të hyrë në pallat duhet një rampë; për të hyrë në punë duhet rampë; trotuaret mos të jenë me bordura të larta… Pra, ka disa elementë”, tha Çaushi.

Ai shtoi se “njerëzit kanë kuriozitet për të mësuar mbi këtë sëmundje, pasi nuk e kanë dëgjuar ndonjëherë”.

“Kjo është një sëmundje që ndikon te sistemi qendror nervor. Më së shumti kanë probleme motorike këta persona. Jeta pa rampa, pa medikamente dhe pa rehabilitim e mbështetje sociale, është shumë e vështirë”, shtoi Çaushi.

  (A2 Televizion)