Gjatë muajve të verës, në masivet pyjore të Hasit janë regjistruar vetëm tre raste zjarresh, të cilat janë neutralizuar në kohë, duke shmangur përhapjen e flakëve në sipërfaqe më të mëdha.
Drejtori i Shërbimit Pyjor dhe Drejtor Operacional i Emergjencave Verore, Fadil Dauti, thotë se angazhimi i strukturave vendore dhe masat e marra për monitorimin e territorit kanë ndikuar në kontrollin e situatës.
Sipas Dautit, masat e marra kanë ndihmuar jo vetëm në ndërhyrjen e shpejtë në rastet e evidentuara, por edhe në uljen e ndjeshme të numrit të zjarreve krahasuar me një vit më parë.
Vitin e kaluar, në territorin e Hasit u regjistruan rreth 10 raste zjarresh, disa prej të cilave morën përmasa të mëdha dhe kërkuan angazhim të shtuar të strukturave për shuarjen e tyre. Ndërkohë, edhe në nivel qarku, numri i rasteve të zjarreve në masivet pyjore ka qenë i kufizuar.
Gjatë sezonit të verës, në të gjithë territorin e Qarkut Kukës janë regjistruar tetë raste zjarresh në pyje. (A2 Televizion)
A2 CNN Livestream
MUND TE LEXONI GJITHASHTU
